پاکستان پیپلز پارٹی مرکزی قیادت کا فرانس میں پیپلز پارٹی کے سرگرم راہنما قاری فاروق احمد فاروقی کو پاکستان میں اہم ذمہ داری سونپنے کا فیصلہ،

اسلام آباد( نمائندہ خصوصی) پاکستان پیپلز پارٹی مرکزی قیادت کی طرف سے پیپلز پارٹی فرانس کے مرکزی راہنما قاری فاروق احمد فاروقی کو پاکستان کےلئے اہم ترین تنظیمی ذمہ داری سونپنے کا فیصلہ کیا گیا ہے۔

اس سلسلے میں پیپلز پارٹی فرانس کے بزرگ راہنما عبدالستار ملک نے تفصیلات سے آگاہ کرتے ہوئے کہا کہ قاری فاروق احمد فاروقی پاکستان پیپلز پارٹی کے دیرینہ جیالے اور یورپ میں پاکستان پیپلزپارٹی کی بھرپور آواز ہیں ۔ انھوں نے پیپلز پارٹی یورپ اور پاکستان کے درمیان رابطوں کو فعال رکھنے کیلئے ذاتی کوششوں سے پیرس اور پاکستان میں فعال ترین میڈیا سیل قائم کیا جہاں سے پیپلز پارٹی یورپ اور پیپلز پارٹی پاکستان کی بھرپور طریقے سے نمائندگی جارہی ہے ۔
عبدالستار ملک نے کہا قاری فاروق احمد فاروقی پاکستان پیپلز پارٹی کا بہترین اثاثہ ہیں۔ ان کی سوشل میڈیا ٹیم نے گزشتہ چند سالوں میں پاکستان پیپلز پارٹی کے بیانیہ کو یورپ اور پاکستان میں نہائت متحرک طور پر پھیلانے میں اہم کردار ادا کیا اور مرکزی قیادت چیئرمین بلاول بھٹو زرداری اور شریک چیئرمین آصف علی زرداری اور ان کے نظریات کا بھرپور طریقے سے دفاع کیا۔

ان کا کہنا تھا کہ پاکستان پیپلز پارٹی کے اہم تنظیمی ممبر کے طور پرقاری فاروق احمد فاروقی بھرپور طریقے سے اپنی ذمہ داریاں نبھائیں گے اور پاکستان پیپلز پارٹی میں شہید بھٹو کے نظریات اوربی بی شہید کی عملی سیاست کو اجاگر کرنے میں اہم کردار ادا کریں گے