Preity Zinta

ممبئی : بالی ووڈ میں ڈمپل گرل کے نام سے مشہور اداکارہ پریٹی زنتا نے کہا ہے کہ شاہ رخ خان کی اداکاری نے کئی بار رونے پر مجبور کیا ہے۔

بالی ووڈ اداکارہ پریتی زنتا کے فلمی کیرئیر میں 17 سال مکمل ہوچکے ہیں جب کہ اپنے فنی کیرئیر میں انہوں نے کئی اداکاروں کے ساتھ فلموں میں اداکاری کے جوہر دکھائے جس میں بالی ووڈ کے صف اول کے اداکار امیتابھ بچن ،شاہ رخ خان ، سلمان خان سمیت متعدد اداکار شامل ہیں تاہم انہوں نے سماجی رابطے کی ویب سائٹ ٹوئٹر پر اپنے 17 سالہ فلمی کیرئیر کی یادیں تازہ کی ہیں۔

پریتی زنتا کا کہنا تھا کہ شاہ رخ خان واحد اداکار ہیں جن کی اداکاری نے کئی بار رونے پر مجبور کیا ہے جب کہ فلموں میں شاہ رخ خان کے متعدد جذباتی سین دیکھ کر کئی بار روئی ہوں تاہم سلمان خان کے ساتھ فلموں میں کام کرنے سے قبل خوفزدہ تھی۔

واضح رہے کہ بالی ووڈ کے کنگ شاہ رخ خان اور پریتی زنتا نے فلم ’’دل سے‘‘، ’’ویر زارا‘‘ اور ’’کل ہو نا ہو‘‘ میں ایک ساتھ جلوہ گر ہوئے ہیں۔