Shahid Khan Afridi, media

لاہور……یہ پہلا موقع نہیں جب شاہد خان آفریدی میڈیا کے کسی نمائندے پر برسے ہیں،اس سے پہلے وہ نا صرف اپنے مزاج کےخلاف سوال کرنے والوں کی کلاس لے چکے ہیں،بلکہ سابق کرکٹرز اور بورڈ کے عہدیداروں پر بھی برستے رہے ہیں۔سامنے ہوں شاہد خان آفریدی اور رپورٹر ٹیڑھا میڑھا سوال کر دے،ہو ہی نہیں سکتا ،اناڑی میڈیا نمائندوں کو شاہدآفریدی کبھی خاطر میں نہیں لائے۔۔سابق چیئرمین پی سی بی اعجاز بٹ سے شاہد آفریدی کا چھتیس کا آکڑا رہا۔دونوں میں بیان بازی اکثر خبروں کی سرخیاں بنیں۔سابق کپتان سلمان بٹ کے معاملے میں شاہد آفریدی نے دو ٹوک مؤقف اختیار کیا اور ان کے خلاف بھی سخت الفاظ استعمال کئے۔لیکن اپنی پرفارمنس پر تنقید کو لیکر انہوں نے شعیب اختر، محمد یوسف اور سکندر بخت کو دلچسپ القابات بھی دے ڈالے۔عوام شاہد آفریدی کے دیوانے ہیں لیکن یہ بھی چاہتے ہیں کہ لالا اپنا غصہ میڈیا پر نکالنے کے بجائے میدان میں مخالف ٹیم پر نکالیں۔