Shahid mnyrbt

لالہ موسیٰ(جمیل احمدطاہر) پاکستان تحریک انصاف کے نظریاتی اور سرگرم راہنماء شاہدمنیربٹ نے کہا ہے کہ وزیراعظم کے درباری غیر اخلاقی اور غیر انسانی زبان استعمال کررہے ہیں ۔سادہ لوح عوام کو بے وقوف بنانے والے ن لیگ کے مسخرے اور ٹپوری قسم کے سیاستدان وزیراعظم کو خوش کرنے کے لیے جس قسم کی گھٹیا زبان استعمال کررہے ہیں اس کے بارے میں ہم کبھی سوچ بھی نہیں سکتے تھے ،ٹیکس چور وزیراعظم کو بچانے کے لیے ان کے درباریوں کی جانب سے اس وقت جو زبان استعمال کی جارہی ہے اس نے ان کے غیر مہذب ہونے کا واضح ثبوت پیش کردیاہے ۔ن لیگ کے وزیر میڈیا پر آکر تحریک انصاف کے قائدین کی ٹانگیں توڑنے اور دیگر مغلضات ادا کرکرکے اپنے بادشاہ سلامت کو تو خوش کرسکتے ہیں مگر وہ اس انداز گفتگو سے عوام کے عتاب سے نہیں بچ سکتے ۔ وہ چند دن صبر کرلیں عوام ان کا وہ حال کریگی کہ کوئی بھی شخص کسی عوامی لیڈر کے خلاف اس طرح کی زبان استعمال نہیں کریگا۔