تحریک انصاف ہی ملک کو بحرانی کیفیت سے نکالنے کی صلاحیت رکھتی ہے, شاہدہ امجد وڑائچ

پیرس (نمائندہ خصوصی) تحریک انصاف فرانس کی مرکزی راہنما شاہد امجد وڑائچ نے کہا ہے کہ  وزیراعظم عمران خان کے وژن کے مطابق تحریک انصاف ملک کوبحرانوں سے نکالنے کیلئے پر عزم ہے، عوام نے تحریک انصاف سے جو توقعات وابستہ کر رکھی ہیں تحریک انصاف اس امتحان میں سرخرو ہوگی لوگوں کی بنیادی ضروریات ان کی دہلیز پر فراہم کرنا تحریک انصاف کی ترجیحات میں شامل ہیں،عمران خان کا وژن لوگوں کو مسائل کے دلدل سے نکال کر ایک فلاحی معاشرے کا قیام ہے۔

ان خیالات کا اظہار انہوں نے آج یس اردو نیوز سے گفتگو کرتے ہوئے کیا۔ انہوں نے کہاکہ اگر ترقی اور خوشحالی کا یہ پہیہ رواں دواں رکھنا مقصود ہے تو پھر لوگوں کو تحریک انصاف کا بھر پور ساتھ دینا ہو گا، ماضی میں لوگوں کو صرف نعروں اور وعدوں کے ذریعے ٹرخایا جاتا ہے ا ب لوگوں کو ٹرخانے کا عمل قصہ پارینہ بن چکا ہے ، تحریک انصاف ہی ملک کو بحرانی کیفیت سے نکالنے کی صلاحیت رکھتی ہے۔ انہوں نے کہاکہ ہم عمران خان کے وژن ملک کو’’کرپشن فری پاکستان‘‘ کا خواب شرمندہ تعبیر کر سکتے ہیں، ترقی اور خوشحالی کی راہ میں کوئی رکاوٹ برداشت نہیں کرینگے اور ترقی اور خوشحالی کا یہ سفر جاری رہے گا ۔