شارجہ: پاکستان نے شارجہ ٹیسٹ کیلئے سکواڈ میں دو تبدیلیاں کیں ۔ فاسٹ بائولر راحت علی اور سہیل خان کی جگہ محمد عامر اور وہاب ریاض کو دوبارہ سکواڈ میں شامل کیا گیا ۔ قومی ٹیم کو ویسٹ انڈیز کیخلاف تین ٹیسٹ میچوں کی سیریز میں 0-2 کی فیصلہ کن برتری حاصل ہے ، پاکستانی ٹیم کے کپتان مصباح الحق کا کہنا ہے کہ وہ اس ٹیسٹ میں بھی کامیابی حاصل کر کے سیریز میں کلین سویپ کرنا چاہتے ہیں تاکہ ویسٹ انڈیز کو دبائو میں لایا جاسکے ۔ اس کے ساتھ ساتھ جیت سے قومی کرکٹ ٹیم میں شامل ہونے والے نئے کھلاڑیوں کی بھی حوصلہ افزائی ہوگی جو جیت کے عزم کے ساتھ میدان میں اترے ہیں ۔ دوسری جانب ویسٹ انڈیز ٹیم کے کپتان جیسن ہولڈر کا کہنا ہے کہ وہ پاکستانی ٹیم کو آسانی سے جیتنے نہیں دیں گے ، ان کی ٹیم آخری میچ میں بھرپور مقابلہ کر کے پاکستان کی جیت کا مارجن کم کرنے کی کوشش کرے گی ۔