Sharjeel Khan

دبئی……..پاکستان سوپر لیگ میں پہلی سنچری بنانے والے اسلام آباد یونائیٹڈ کے اوپنر شرجیل خان کا کہنا ہےسنچری سے ان کی بین الاقوامی کرکٹ میں واپسی ہوسکتی ہے، شاہد آفریدی جب تحفہ دیں گے تو سب ہی کو معلوم ہوجائے گا،سنچری سے اعتماد ملا ہے۔
دبئی میں پریس کانفرنس کرتے ہوئے اسلام آباد یونائیٹڈ کے اوپنرشرجیل خان نے کہا کہ شاہد آفریدی کے تحفے کا علم نہیں جب ملے گا تو سب ہی کو معلوم ہوجائے گا۔ انہوں نے کہا کہ ان کا ہدف تھا کہ وہ سوپر لیگ کی پہلی سنچری اسکور کریں۔ شرجیل خان نے کہا کہ سنچری سے انہیں اعتماد ملا ہے اور یہی سنچری پاکستان ٹیم کے دروازے کی کنجی بھی بن سکتی ہے۔