shark, attacked, the, man, in, the, ship, and, killed, in,Australia

سمندر میں شکار کرنا جان جوکھوں کا کام ہوتا ہے اور بعض اوقات ایسے واقعات بھی رونما ہو جاتے ہیں جس سے زندگی خطرے میں پڑ جاتی ہے۔ایسا ہی کچھ ہوا آسٹریلیا میں جب ایک بھاری بھرکم شارک سمندر کے پانی سے چھلانگ لگا کر کشتی میں گھس آئی اور مچھیرے پر حملہ کر کے اسے شدید زخمی کردیا۔آسٹریلیا میں 73 سالہ ٹیری سیل ووڈ نیو ساؤتھ ویلز کے ساحل پر شکار میں مصروف تھا کہ اچانک ایک 200 کلو گرام وزنی بھاری بھرکم سفید شارک چھلا نگ لگا کر ان کی کشتی میں آ گری اور مچھیرے پر حملہ کردیا۔شارک کی لمبائی 8.8 فٹ تھی، جس کے اچانک حملے میں ٹیری سیل ووڈ کشتی میں گر کر شدید زخمی ہو گئے اور ان کے بازو پر گہرے زخم آئے۔ٹیری سیل گھبرانے کے بجائے ہمت سے کام لیتے ہوئے فوراً کشتی میں بلند جگہ پر چڑھ گئے اور کسی طرح ریڈیو تک پہنچنے میں کامیاب ہو گئے جس کے ذریعے انہوں نے مدد طلب کی۔

اس دوران مچھلی نے کشتی کے عرشے پر تڑپ تڑپ کر جان دے دی، تاہم ریسکیو اہلکارو ں نے فوری کارروائی کرتے ہوئے ٹیری کو بچایا اور کشتی کو کنارے تک لائے، جبکہ شارک اتنی وزنی تھی کہ اسے لفٹر کی مدد سے باہر نکالا گیا۔