Local Government Elections

کراچی: سندھ اورپنجاب میں بلدیاتی انتخابات کے دوسرے مرحلے کے لیے پولنگ کا وقت شرع ہوگیا ہے۔آج سندھ کے14اورپنجاب کے12اضلاع میں بلدیاتی انتخابات ہورہے ہیں۔

پولنگ کا وقت صبح 7 بج کر 30 منٹ پر شروع ہوگیا جو کسی وقفے کے بغیر شام ساڑھے 5 بجے تک جاری رہے گا۔

سندھ کے8اضلاع کی 76 یونین کونسلوں،ٹاؤن اورمیونسپل کمیٹیوں میں انتخابات ملتوی کردیے گئے ہیں۔سندھ میں 70لاکھ،پنجاب میں 1کروڑ 47لاکھ ووٹر حق رائے استعمال کریں گے ۔

سندھ میں 6 اور پنجاب میں 12ہزار پو لنگ اسٹیشن قائم کیے گئے ہیں۔ پولنگ کے دوران کسی بھی ناخوشگوار واقعے سے بچنے کے لیے سیکورٹی کے سخت انتظامات کیے گئے ہیں۔

گوجرانوالہ کے وزیرآبادوارڈنمبر26کےپولنگ اسٹیشن پرمخالفین نے ہنگامہ آرائی کی۔جس کے بعد وارڈنمبر26کےپولنگ اسٹیشن پرپولنگ روک دی گئی۔ہنگامہ آرائی مبینہ طورپرجعلی ووٹ ڈالنےپرکی گئی۔