Maulana Fazlur Rehman

اسلام آباد : جمعیت علمائے اسلام ف کے سربراہ مولانا فضل الرحمان نے کہا ہے کہ وقت نے ثابت کر دیا کہ دھرنا کسی بیرونی ایجنڈے کی تکمیل کے لیے تھا۔

عمران خان قوم سے معافی مانگیں اور منفی سیاست کو ہمیشہ کے لیے خیر باد کہہ دیں۔

مولانا فضل الرحمان نے ایک بیان میں کہا ہے کہ قومی جماعتوں اور عوام کے اتحاد نے بیرونی ایجنڈے کو ناکام بنایا ہے، جوڈیشل کمیشن کی رپورٹ نے اس ایجنڈے کی حقیقت سے پردہ اٹھا دیا ہے۔

انھوں نے کہا کہ دھرنے کی سیاست نے ملکی معیشت کو زبردست نقصان پہنچایا، ملک کو بھاری نقصان پہنچانے کے باوجود پی ٹی آئی کی قیادت کو کوئی شرمندگی نہیں ہے۔