اسلام آباد(نیو زڈیسک) بالی ووڈ اداکارہ اور سابق مس ورلڈ ایشوریہ رائے اب بھی لاکھوں دلوں کی دھڑکن ہیں اور 11 سال پہلے جب وہ ابھیشک بچن کی دلہن بنیں تو عوام سمیت بالی ووڈ ستارے بھی حیرت زدہ رہ گئے اور سب کا خیال تھا کہ یہ شادی کامیاب نہیں ہو گی۔دونوں کی شادی کو اب 11 سال کا عرصہ گزر چکا ہے اور دونوں کی ایک 6 سالہ بیٹی بھی ہے اور اب ایشوریہ رائے نے بالآخر وہ انکشاف بھی کر دیا ہےجس کے بارے میں ان کا ہر مداح جاننا چاہتا تھا۔ انہوں نے بھارتی خبر رساں ادارے کو دئیے گئے انٹرویو میں بتایا کہ ابھیشک بچن نے انہیں شادی کی پیشکش فلم ”جودھا اکبر“ کی شوٹنگ کے دوران اس وقت کی جب انہوں نے عروسی جوڑا زیب تن کر رکھا تھا۔انہوں نے بتایا کہ ابھیشک بچن نے ”جودھا اکبر“ کی شوٹنگ کے دوران ہریتک روشن اور فلم ہدایت کار آشوتوش گو واریکر کے سامنے شادی کی پیشکش کی۔ایشوریا رائے نے بتایا کہ ابھیشک بچن نے جس وقت انہیں شادی کی پیش کی، وہ اسی فلم کے گانے ”خواجہ میرے خواجہ“ کی شوٹنگ کر رہی تھیں اور انہوں نے دلہنوں جیسا عروسی لباس پہن رکھا تھا۔ایشوریہ کا کہنا تھا کہ ابھیشک بچن کی طرف سے شادی کی پیشکش پر فلم کے ہدایت کار حیران رہ گئے جبکہ ہریتک روشن بھی تھوڑے سے حیران ہوئے البتہ انہوں نے فوراً ہی اچھے تاثرات دیتے ہوئے مبارکباد پیش کی۔واضح رہے کہ ابھیشک بچن اور ایشوریا رائے 2007ءمیں شادی کے بندھن میں بندھے تھے لیکن دونوں کے درمیان پہلے سے ہی تعلقات استوار ہوچکے تھے۔دونوں کے ہاں نومبر 2011 میں بچی پیدا ہوئی اور اب تک یہ دونوں 6 سے زائد فلموں میں اکٹھے کام بھی کر چکے ہیں۔ جبکہ دوسری جانب ایک خبر کے مطابق بالی ووڈ اداکارہ پریانکا چوپڑا نے گزشتہ دنوں اپنی 37 ویں سالگرہ منائی ۔ انہوں نے اپنی سالگرہ کے موقع پر 8 لاکھ روپے سے زائد قیمت کا کیک کاٹا۔پریانکا چوپڑا نے امریکی ریاست فلوریڈا کے ساحلی شہر میامی میں ایک کشتی پر اپنی سالگرہ منائی۔ 18 جولائی کو ہونے والی سالگرہ کی تقریب میں ان کے فیملی کے لوگ شریک تھے۔ اس موقع پر ان کے شوہر گلوکار نک جونس نے ان کیلئے لباس کی مناسبت سے خصوصی طور پر کیک تیار کرایا۔پریانکا چوپڑا نے اپنی سالگرہ پر انتہائی مہنگا سرخ رنگ کا لباس زیب تن کیا جس پر سونے کا کام کیا گیا تھا۔لباس کی مناسبت سے ان کے شوہر نک جونس نے ان کیلئے 5 منزلہ سرخ اور گولڈن کیک تیار کرایا جس پر سونے کا ورق چڑھایا گیا تھا۔ جس بیکری سے یہ کیک تیار کرایا گیا ہے اس کے عملے کا کہنا ہے کہ نک جونس نے آخری وقت میں کیک کا آرڈر کیا جس کے باعث سارا عملہ تمام کام چھوڑ کر اس کی تیاری میں مگن ہوگیا۔