آسڑیلیا کے شہر سڈنی میں دسویں سالانہ شاندارمیوزیکل لائٹ شو اپنے عروج پر ہے جس میں موسیقی کی دھنوں پر حرکت کرتے جگمگاتے فوارے دیکھنے والوں کو اپنے سحر میں جکڑ رہے ہیں۔

ہزاروں روشنیوں سے سجے اس سالانہ فیسٹیول میں ناصرف سڈنی کے مشہور ہاربر برج اور اسکے اطراف موجود عمارتوں کو برقی قمقموں سے سجاتے ہوئے شاندار ویڈیو اور لیزرپروجیکشن پیش کا انتظام کیا گیا ہے بلکہ ایسے فوارے بھی نصب کئے گئے ہیں جوموسیقی کی دھنوں پر رقص کرتے ہوئے ہزاروں افراد کو تفریح فراہم کر رہے ہیں۔

دسویں سالانہ لائٹ شو میں شاندارلائٹ پروجیکشن سے کہیں عمارات ایک کے بعد ایک رنگ بدلتی ہیں تو کہیں شا ہر اوں پر روشنی کی تتلیاں نظر آ تی ہیں ۔

واضح رہے کہ یہ لائٹ شو 16جو ن تک جا ری رہیگاجس میں کم وبیش8سے 10لاکھ افراد شرکت کریں گے۔