قائد عوام کی پارٹی مزدور اور محنت کش کی پارٹی ہے جس نے مزدوروں اور ملازمین کو یونینز کا تحفظ دے کر انقلاب برپا کیا، سید زاہد عباس شاہ صدر پیپلز پارٹی جرمنی کا پیپلز پارٹی کے 51 ویں یوم تاسیسی پر پیغام
جرمنی (نمائندہ خصوصی) پاکستان پیپلز پارٹی جرمنی کے صدر سید زاہد عباس شاہ نے کہا ہے کہ قائد عوام کی پارٹی مزدور اور محنت کش کی پارٹی ہے جس نے مزدوروں اور ملازمین کو یونینز کا تحفظ دے کر انقلاب برپا کیا
انہوں نے کہا کہ 51 ویں یوم تا سیس کو بھرپور طریقے سے منایا جائیگا اور جیالوں کو یہ باور کرانا چاہیے کہ حقیقی تبدیلی کا آغاز شہید بھٹو کی قربانی سے ہوا جنہوں نے نہ صرف ملک پاکستان کو عالمی سطح پر بلند اور مستحکم مقام دلایا بلکہ عوام کو اپنے حق کیلئے لڑنا سکھایا جسے عوام پاکستان کبھی نہیں بھول سکتے۔
قائد عوام شہید ذوالفقار علی بھٹو نے تاسیسی اجلاس سے خطاب کرتے ہوئے فرمایا : قادرِ مطلق خدا پر غیر متزلزل ایمان کے ساتھ جو تمام جہانوں اور انسانوں کا پالنے والا ہے اور دینِ اسلام کے لئے جذبۂ غیرت رکھتے ہوئے اور پاکستان کے مقاصد کے لئے اپنے آپ کو کلی طور پر وقف کرتے ہوئے ہم سب اللہ کا نام لے کر اس عظیم کام کی ابتدا اور اتحاد عوام کا اِعلان کرتے ہیں۔
