Syria: Syria government

شام نے شدت پسند تنظیم داعش پر حکومتی افواج کے خلاف مسٹرڈ گیس استعمال کرنے کا الزام عائد کیا ہے۔ ادھر باغیوں نے حلب میں سرکاری جنگی طیارہ مار گرانے کے بعد پائلٹ کو پکڑ لیا ہے۔
دمشق: (یس اُردو) شام کی سرکاری نیوز ایجنسی کے مطابق داعش کے شدت پسندوں نے دیر الزور کے فوجی ہوائی اڈے پر راکٹوں سے حملہ کیا جن میں مسٹرڈ گیس تھی۔ داعش نے دو لاکھ افراد پر مشتمل آبادی والے دیر الزورکا گذشتہ کئی ماہ سے محاصرہ کر رکھا ہے۔ دوسری جانب صوبہ حلب میں النصرہ فرنٹ سے تعلق رکھنے والے باغیوں نے ایک سرکاری جنگی طیارہ مار گرایا ہے۔ سرکاری ٹی وی کا کہنا ہے کہ طیارے کو میزائل سے اس وقت نشانہ بنایا گیا جب وہاں ریسکیو آپریشن جاری تھا۔