اسلام آباد: سپریم کورٹ نے ن لیگ کے رہنما طلال چوہدری کو توہین عدالت کا مرتکب قرار دیتے ہوئے سزا سنا دی ہے اور جب رپورٹر نے مریم اورنگزیب سے اس پر ردعمل جاننے کی کوشش کی تو وہ لاعلم نکلیں اور انتہائی حیرت انگیز تاثرات کا اظہار کیا۔

تفصیلات کے مطابق ن لیگی رہنما مریم اورنگزیب اور مصدق ملک انتہائی خوشگوار ماحول میں سیاست پر گفتگو کرتے ہوئے سڑک پر چلتے ہوئے جارہے تھے کہ اس دوران رپورٹر پہنچ گیا اور اس نے طلال چوہدری کو سپریم کورٹ کی جانب سے سنائی جانے والی سزا پر مریم اورنگزیب کا ردعمل جاننے کیلئے سوال کیا کہ ” طلال چوہدری کے خلاف فیصلہ آ گیا ہے اور انہیں سزا سنا دی گئی ہے“ مریم اورنگزیب صحافی کا سوال سن کر ایک دم چونک کر رہ گئیں اور چلتے چلتے رک کر الٹا سوال کرتے ہوئے پوچھا کہ ”سنا دی گئی ہے؟ اور انتہائی حیرت کا اظہار کیا۔ مریم اورنگزیب ایک دم چونکنے والے ردعمل کو دیکھ کر ہر کوئی حیران رہ گیا کہ جیسے انہیں امید نہیں تھی کہ طلال چوہدری کو سزا ہوگی۔

واضح رہے کہ سپریم کورٹ نے طلال چوہدری کو توہین عدالت کا مرتکب قرار دیتے ہوئے عدالت کے برخاست ہونے تک سزا سنائی، پانچ سال کیلئے نااہل قرار دیتے ہوئے ایک لاکھ روپے جرمانہ کردیا ہے۔