Tamim Iqbal gave

بنگلہ دیشی اوپنر تمیم اقبال امید ظاہر کی ہے کہ بنگلہ دیش کی ٹیم اگلے سال پاکستان کو دورہ ضرور کرے گی
لاہور (یس اُردو) پاکستان سپر لیگ میں پشاور زلمی کی نمائندگی کرنے والے بنگلہ دیش کے اوپنر تمیم اقبال نے اپنی ٹیم کے اگلے سال دورہ پاکستان کا عندیہ دے دیا ۔بنگلہ دیشی اوپنر کا کہنا تھا کہ ان کی ٹیم اگلے سال پاکستان کا دورہ کر سکتی ہے ۔ ان کا مزید کہنا تھا کہ پاکستان سپر لیگ پاکستان میں کرکٹ کی بحالی کے لیے ایک قدم ہے اس سے دور رس فوائد حاصل ہوں گے اور پاکستان کرکٹ کو نیا ٹیلنٹ ضرور ملے گا ۔ انہوں نے امید ظاہر کی ہے کہ بنگلہ دیش کی ٹیم اگلے سال پاکستان کو دورہ ضرور کرے گی ۔پاکستان میں حالیہ دہشت گردی کے پیش نظر بین الاقوامی ٹیمیں پاکستان میں کرکٹ کھیلنے سے کتراتی ہیں تاہم 2015 میں زمبابوے کی ٹیم نے پاکستان کا دورہ کیا تھا جو کہ اس بات کا ثبوت تھا کہ پاکستانیوں کے دلوں میں ابھی بھی کرکٹ کے لیے وہی جوش اور ولولہ ہے اور پاکستان کے لوگ مزید کرکٹ کو پاکستان میں دیکھنا چاہتے ہیں ۔