Tennis Stars

نیویارک : جنون ہو تو ٹینس سٹارز جیسا کہ پرستاروں کے سامنے سڑک پر ہی کورٹ لگا لیا۔

سرینا ولیمز اور ماریہ شیراپوا سمیت سب نے خوب شارٹس اور سٹائل مارے ۔ امریکا میں ٹینس سیزن کا آخری گرینڈ سلیم میلہ سجنے کو ہے ، اس سے پہلے ایک غیر معروف سڑک کو معروف ٹینس کھلاڑیوں نے توجہ کا مرکز بنا دیا ، رافیل نڈال اور روجر فیڈرر نے جوہر دکھائے تو سرینا ولیمز اور ماریہ شیراپوا نے جلوہ دکھایا ۔ ٹینس کے بڑے بڑے نام اِن ایکشن ہوئے ۔ دیکھتے ہی دیکھتے لیجنڈ پیٹ سمپراس اور آندرے آگاسی بھی کھیلتے نظر آئے۔

جونیئر سینئر ٹینس سٹارز نے خوب اپنے سٹائل دکھائے جو ان کے جنون کا منہ بولتا ثبوت تھا۔ دلچسپ بات یہ ہے کہ ٹینس کا یہ کورٹ عام گلیوں اور سڑکوں پر سجا جہاں پرستار خوب محظوظ ہوئے۔