The Big Friendly Giant poster

نیویارک…اسٹیون ا سپیلزبرگ کی ایڈونچر سے بھرپور نئی ہالی و ڈ فینٹسی فلم دی بگ فرینڈلی جائنٹ کا پہلا پوسٹر اور ٹیزر ٹریلر جاری کردیا گیا ہے۔
مشہور و معروف ہالی وڈ ہدایتکاروپروڈیوسر اسٹیون اسپیلزبرگ کی ڈائریکشن میں بننے والی اس فلم کی کہانی انگلینڈکی رہائشی صوفی نامی ایک ایسی لڑکی کے گِرد گھوم رہی ہے جس کی دوستی دنیا پر حملہ آور ہونے والے24فٹ کے آدم خور دیو (بلا)سے ہو جاتی ہے۔خوفناک دکھائی دینے والا یہ دیو دیکھ کر بچی خوفزدہ تو ہو جاتی ہے تاہم جلد ہی اس بلا سے صوفی کی دوستی ہو جاتی ہے جو اس کا بہترین دوست ثابت ہوتا ہے۔برٹش ناول نگار کی کتاب سے ماخوذ اس فلم میں روبی بارن ہِل نے مرکزی کردار ادا کیا ہے جن کے علاوہ فلم کی دیگر کاسٹ میں مارک ریلینس ، بِل ہیڈر، ربیکا ہال اور پینی لوپ وِلٹن شامل ہیں۔130ملین ڈالر لاگت سے والٹ ڈزنی پکچرز اور ریلائنس انٹرٹینمنٹ کے اشتراک سے تیار ہونے والی اس سنسنی خیز فینٹسی ایڈونچر فلم یکم جولائی کوموشن پکچرز اور والٹ ڈزنی اسٹودیوز کے تحت سنیماگھروں کی زینت بنائی جائے گی۔