Shakespeare in the UK

لندن ,,, برطانیہ میں رائل منٹ کا کہنا ہے کہ 2016 میں جو نئے سکّے نکالیں جائیں گے ان پر شیکسپیئر کے ڈراموں اور بئیٹرکس پوٹر کی کہانیوں سے متعلق شبیہہ ہوں گی۔اس برس کئی نئے سکّے ریلیز ہونے والے ہیں جن پر برطانیہ کی گزشتہ ایک ہزار برس پرانی تاریخ کی جھلکیاں بھی پیش کی جائیں گی۔شیکسپیئر کی تاریخی، مزاحیہ اور المیاتی ادب کی نمائندگی برطانیہ کے دو پاؤنڈ کے نئے سکّے کریں گے۔ 50پینس کا سکّہ بیئٹرکس پاٹر کی یاد میں ہوگا جن کی پیدائش کواس سال 150 برس مکمل ہوں گے۔ پاٹر 19ویں صدی کی مشہور مصور، ادیب اور سائنس دان تھیں اور انھوں نے بچوں کے لیے بہت سی کتابیں لکھیں۔دو پاؤنڈ کے ایک اور سکّے پر لندن کی یادگار آتشزدگی کی شبیہ، دی گریٹ فائر آف لندن کے 350 برس مکمل ہونے پر بنائی گئی ہے۔رائل منٹ نے پہلی جنگ عظیم کی ایک صدی مکمل ہونے پر جو پانچ سالہ یادگاری پروگرام شروع کیا ہے وہ جاری رہے گا اور اس کے لیے اس نے ایک اور دو پاؤنڈ کے سکّے پر پالز بٹالین کے تعلق سے اس وقت کی کچھ یادگار علامتوں کو اجاگر کرنے کا فیصلہ کیا ہے۔اسی کے ساتھ 1066 میں ہونے والی ہیسٹنگ کی جنگ کے 950 برس مکمل ہونے کی یاد میں بھی 50 پینس والے سکّے پر اس جنگ کی یادگار بنائی جائے گی۔رائل منٹ میں سکّوں کے اس محکمے کی سربراہ اینی جیسوپ کا کہنا تھا146نئے برس کے ڈیزائنوں کو دیکھنا، ان لمحوں کو یاد کرنا جو اہم ہیں اور تاریخ کے اہم واقعات کے متعلق دوبارہ سوچنا ہمیشہ ہی سے بہت ہی پرجوش اور خوشی کا باعث رہا ہے۔ان کا مزید کہنا تھا برطانوی عوام ان تبدیل شدہ سکوں کواپنی نئی شکل میں2016کے موسم بہار سے دیکھ سکیں گے۔