کوئٹہ: (ویب ڈیسک) سابق ایس ایس پی ملیر راؤ انوار کے گن مین کو کوئٹہ سے گرفتار کر لیا گیا ہے۔ میڈیا رپورٹ کے مطابق نقیب اللہ قتل کیس میں راؤ انوار کی تلاش میں پولیس جگہ جگہ چھاپے مار رہی ہے لیکن راؤ انوار کو ڈھونڈنے میں ناکام رہی ہے۔ تاہم اب کوئٹہ سے راؤ انوار کے گن مین کو گرفتار کرلیا گیا ہے۔ گن مین علی رضا کو پولیس نے گھر پر چھاپہ مار کر گرفتار کیا، پولیس کا کہنا ہے کہ گن مین علی رضا کو آج ہی کراچی منتقل کیا جائے گا- جہاں ان سے پولیس مقابلوں سے متعلق تحقیقات کی جائیں گی۔