The judge canceled the rally, activists camped at the Gala

بنی گالہ میں ڈیرے ڈالے تحریک انصاف کے کارکنوں کےلیے خیمے ، بستر اور کمبل پہنچا دیے گئے۔ تحریک انصاف نے آج اسلام آباد میں ہونے والی وارم اپ ریلی بھی منسوخ کردی۔

چیئرمین تحریک انصاف عمران خان کی بنی گالہ میں رہائش گاہ کے باہر کئی کارکنوں نے ڈیرے ڈال دیے ہیں۔ کارکنوں کےلیے ٹینٹ، بستر اور کمبل دو گاڑیوں پر لائے گئے۔ ایک تندور بھی بنی گالہ پہنچا یا گیا۔ جبکہ کارکنوں نے کپتان سےصبح سویرے گرم پانی اورشیمپو کی فرمائش بھی کر دی ہے۔

سردی سے بچنے کےلیے پی ٹی آئی کی کئی خواتین لکڑیاں جلا کر آگ تاپتی رہیں۔ اس موقع پر عمران خان کی بہن علیمہ خان بھی بنی گالہ پہنچ گئیں۔

دوسری جانب ذرائع کے مطابق تحریک انصاف کی جانب سے آج اسلام آباد میں ہونے والی وارم اپ ریلی منسوخ کردی، تحریک انصاف نے 29 اکتوبر کو وارم اپ ریلی نکالنے کا اعلان کر کھا تھا۔