کراچی: سندھ بھرمیں آج سے میٹرک جنرل گروپ کے امتحانات کا آغاز ہوگیا ہے۔

The Matricullation exams starts in Sindh including Karachi

کراچی سمیت سندھ بھرمیں آج سے میٹرک جنرل گروپ امتحانات کا آغازہوگیا ہے، جنرل گروپ میں 45 ہزارسے زائد طلبہ حصہ لے رہے ہیں، امتحانات کا اگلا مرحلہ 15 اپریل سے شروع ہوگا اوردوسرے مرحلے میں سائنس گروپ کے امتحانات ہوں گے۔کراچی میں جنرل گروپ کے 45 ہزارطلبہ امتحانات دے رہے ہیں جن کے لیے جنرل گروپ کےامتحانات کیلیے 83 امتحانی مراکزقائم کیے گئے ہیں۔ آج دسویں جماعت کے طلبہ اختیاری مضامین کے پرچے دے رہے ہیں، جن میں عربی، فارسی اورامورخانہ داری کے پرچے ہوں گے۔ امتحانات کی نگرانی کے لیے رپورٹنگ سیل اور خصوصی ویجیلنس ٹیمیں قائم تشکیل دی گئی ہیں جب کہ تمام امتحانی مراکز پردفعہ 144 نافذ ہے۔ واضح رہے رواں برس حکومت سندھ نے مردم شماری کے باعث میٹرک کے امتحانات دو مرحلوں میں کرانے کا فیصلہ کیا ہے۔