مدینتہ الاولیا ،ملتان میں حکومت کی جانب سے ایک بڑا میٹرو منصوبہ پایہ تکمیل کو پہنچ چکاہے اور کچھ دنوں کے بعد وزیراعظم میاں نواز شریف اس منصوبہ کا افتتاح کریں گے۔

The metro project completed in Multan, Prime Minister will inaugurate

میٹرو منصوبے کا روٹ بہاالدین زکریا یونیورسٹی سے چوک کمہارانوالہ تک ہے جس کی لمبائی 18 اعشاریہ 5 کلومیٹر تک ہے ، انتظامیہ کی جانب سے میڈیا کو بھی میٹرو روٹ کا وزٹ کرایا گیا ۔چیف انجینئر پروجیکٹ صابر سدوزئی نے میڈیا کو بریفنگ دیتے ہوئے بتایا کہ اس منصوبہ پر 28 ارب 88 کروڑ 10 لاکھ روپے کے اخراجات ہوئے ہیں،اس روٹ پر 21 اسٹیشن اورایک انڈر پاس بھی بنایا گیا ہے ۔انہوں نے اس پراجیکٹ کو لاہور اور اسلام آباد سے بہتر منصوبہ قرار دیا ۔اس منصوبہ کی تکمیل سے ملتان کی خوبصورتی میں مزید اضافہ ہو گیا ہے جبکہ ماہانہ لاکھوں افراد اس منصوبہ سے سستی سفری سہولت سے فائدہ بھی اٹھائیں گے ۔