گوجرانوالہ (ویب ڈیسک) سینٹرل جیل کے ڈاکٹر نے بیوی کو ڈرانے کیلئے ہوائی فائرنگ کر دی۔ جیل کالونی میں خوف وہراس پھیل گیا۔ پولیس نے ڈاکٹر کو حراست میں لیکر اسکے خلاف مقدمہ درج کر لیا۔ سنٹرل جیل میں قیدیوں کے علاج کیلئے تعینات ڈاکٹر مبین کا اپنی بیوی کے ساتھ کسی بات پر جھگڑا ہو گیا تو اس نے اپنی بیوی کو ڈرانے کیلئے جیل ملازم امداد سے رائفل لیکر ہوائی فائرنگ کر دی جس کے باعث جیل کالونی میں ملازمین کی دوڑیں لگ گئیں۔ دوسری جانب ایک خبر کے مطابق جھنگ تین افراد نے لڑکے کو زیادتی کا نشانہ بنا ڈالا ایس ایس پمپ کے قریب رہائشی کاشف نے تھانہ کوتوالی پولیس کو دی گئی درخواست میں بتایا کہ حسین وغیرہ تین افراد نے مبینہ طور پر اس کے بھائی کو بدفعلی کا نشانہ بنایا پولیس نے ملزمان کے خلاف مقدمہ درج کر لیا ہے۔ قبولہ سے نمائندہ خصوصی کے مطابق بااثر زمیندار کی کھیتوں میں کام کرنے والی خاتون سے زیادتی۔ گائوں سداﷲ پور کی رہائشی خاتون دوپہر کے وقت کھیتوں میں مویشیوں کیلئے چارہ کاٹ رہی تھی کہ سلیم نے اپنے ایک ساتھی کی مدد سے کھیتوں میں پکڑ کر زیادتی کا نشانہ بنا ڈالا پولیس تھانہ قبولہ نے مقدمہ درج کر لیا ہے۔