ٹورنٹو: جنوبی اونٹاریو میں چھوٹا طیارہ اڑان بھرتے ہی گر کر تباہ ہوا جس کے نتیجے میں پائلٹ ہلاک ہوگیا۔
تفصیلات کے مطابق ٹورنٹو کے جنوبی علاقے مارخام میں واقع بٹن ویلی ائیرپورٹ سے جمعرات کے روز اڑان بھرنے والا چھوٹا طیارہ اڑان بھرتے ہی تباہ ہوگیا جس کے نتیجے میں ایک شخص ہلاک ہوا۔
حکام کے مطابق اونٹاریو کے مقامی ہوائی اڈے سے اڑنے والا طیارے کا فضا میں جانے کے بعد رابطہ منقطع ہوا اور پھر مغربی علاقے کے شہریوں نے اس کے تباہ ہونے کی اطلاع دی۔
مقامی انتظامیہ کے مطابق جہاز شہری علاقے میں تھا مگر پائلٹ نے اسے جنگل کی طرف موڑ دیا جس کے نتیجے میں کوئی بڑا نقصان تو نہیں ہوا البتہ پائلٹ دم توڑ گیا۔
عینی شاہد خاتون کا کہنا تھا کہ جہاز تباہ ہونے کے نتیجے میں کوئی اور شخص زخمی تک نہیں ہوا۔ انتظامیہ نے فی الحال پائلٹ کا نام اور شناخت ظاہر نہیں کی۔
دوسری جانب سول ایوی ایشن حکام اور ٹرانسپورٹ سیفٹی بورڈ نے واقعے کی تحقیقات کا آغاز کردیا۔
