The road connecting

سرائے عالمگیر (نمائندہ خصوصی )سرائے عالمگیرانڈرپا س سے منسلک روڈ اور انڈر پاس شدید ٹوٹ پھوٹ کا شکار،مقامی انتظامیہ کی پرسرار خاموشی ،تفصیل کے مطابق آرمی پبلک سکو ل ا ینڈ کالج سرائے عالمگیر جوکہ اس شہر کی واحد درسگاہ ہے جہاں ملٹری کی سرپرستی میں معیاری تعلیم کے فرائض احسن طریقے سے سرانجام دیئے جا رہے ہیں اس کے ساتھ ساتھ موجودہ حالات کے پیش نظر سیکورٹی کابندوبست بھی نہایت شاندار ہے لیکن اس درسگاہ کی ایک سڑک کو سیکورٹی کی بہتری کے لیے عوام کے لیے بند کر دیا گیا تھاجو اس شہر کے کثیر رقم سے جی ٹی روڈپر تعمیر کردہ انڈرپا س سے منسلک ہے۔اس جدید دسگاہ کے سامنے ا ور انڈر پاس کی ملحقہ سڑکوں کی حالت ٹوٹ پھوٹ کی بناء پر انتہائی بری حالت میں ہے جیساکہ ماضی بعید کے کھنڈرات کی علامت ہیں ۔ طلباء و طالبات کے والدین کی ارباب اختیار اور متعلقہ اداروں کو اپیل ہے کہ انکی توجو کی ضرورت ہے تا کہ جدید درسگاہ کے اردگرد کا ماحول بھی جدید طرز پر بنایا جاسکے ،عوامی نمائندگان بھی اپنے فرائض کو نبھانے کے لیے اپنا کردار اداکریں، تھوڑی سی بارش سے گندے پانی کے جوہڑ بن جاتے ہیں جو کہ معصوم بچوں کیلئے بیماریوں کا سبب بنتے ہیں۔