اسلام آباد: امریکا کے خصوصی ایلچی برائے پاکستان و افغانستان ایلس ویلز نے ٹرمپ انتظامیہ کو سفارشات پیش کی ہیں کہ افغان جنگ کا حل طاقت کے استعمال کے بجائے مذاکرات سے نکالا جائے۔

The solution to the Afghan war is to be pulled out of negotiations, instead of power, Alice Wales

ایلس ویلز نے یہ سفارشات خطے کے ممالک کے حالیہ دورے کے بعد ٹرمپ انتظامیہ کو پیش کی ہیں تاکہ امریکی حکومت افغانستان کے بارے میں اپنی اسٹرٹیجی کا حتمی تعین کرسکے۔ ٹرمپ انتظامیہ 16سال سے جاری افغان جنگ کو کسی انجام تک پہنچانا چاہتی ہے اورچاہتی ہے کہ جنگ زدہ ملک میں امن قائم ہوجائے۔ رپورٹس کے مطابق وائٹ ہاؤس ہاؤس افغانستان میں مزید فوجی بھیجنے پر غورکررہاہے جہاں شدت پسندوں کی سرگرمیاں بڑھتی جارہی ہیں، امریکی صدر ڈونلڈ ٹرمپ افغانستان میں موجودہ امریکی کمانڈر جنرل جان نکلسن کو ہٹانا چاہتے ہیں کیونکہ وہ افغان جنگ جیت جانے میں ناکام ہوچکے ہیں۔ خطے کے دیگر ممالک کی طرح پاکستان بھی ٹرمپ انتظامیہ کی نئی حکمت عملی کا شدت سے انتظارکررہاہے۔ دفترخارجہ کے ایک اعلیٰ افسر نے بتایا کہ پاکستان نے امریکا کو آگاہ کردیا ہے کہ طاقت کے استعمال سے افغانستان کا پیچیدہ مسئلہ حل نہیں کیا جاسکتا، طاقت کااستعمال ہی حل ہوتا تو افغانستان میں بہت پہلے امن قائم ہوچکا ہوتا، اسلام آباد نے واشنگٹن پر زور دیا ہے کہ افغان مسئلے کا سیاسی حل نکالا جائے۔