اسلام آباد:  وزیراعظم شاہد خاقان عباسی نے کہا ہے کہ نوازشریف کے بیان کوبھارتی میڈیا نےغلط اندازمیں اچھالا، جسے سیاق وسباق سے ہٹ کر پیش کیا گیا، ن لیگ آج بھی نوازشریف کے ساتھ کھڑی ہے، میرے وزیراعظم نوازشریف ہیں

وزیراعظم شاہد خاقان عباسی نے کہا کہ پاکستان نے ہمیشہ دہشتگردوں کی سرکوبی کی، غیر ریاستی عناصر کو کسی کے خلاف اپنی سرزمین استعمال نہیں کرنے دیں گے۔ شاہد خاقان عباسی نے نوازشریف کی صفائی پیش کرتے ہوئے کہا کہ بھارتی میڈیا نے نواز شریف کا بیان سیاق و سباق سے ہٹ کر پیش اور غلط انداز میں اچھالا۔ انھوں نے کہا کہ نوازشریف آج بھی میرے وزیراعظم ہیں، پارٹی نوازشریف کے ساتھ کھڑی ہے۔