Italian city of Venice

لالہ موسیٰ(جمیل احمدطاہر) محلہ لال مسجد کی گلیاں اٹلی کے شہر وینس کا منظر پیش کرنے لگیں ،لال مسجد کو جانے والے تمام راستے بند،نالیاں بند ہونے سے ہر گلی میں گندا پانی کھڑا رہتا ہے ،بے حس TMAاہل محلہ پریشان،تفصیلات کے مطابق لالہ موسیٰ کے محلہ لال مسجد کی گلیوں میں ہر وقت نالیوں کا گندا پانی کھڑا رہنے سے علاقہ وینس کا منظر پیش کر رہا ہے اہل علاقہ ناقص سیوریج سسٹم اورTMAعملہ کی بے حسی سے پریشان نظر آتے ہیں اس سلسلہ میں عوامی حلقوں کا کہنا ہے کہ متعدد بار عوامی نمائندوں ،حکومتی آفسیران اور با اثر شخصیات سے اپیل کر چکے ہیں کہ گلیوں میں کھڑے پانی کی نکاسی کا بند و بست کیا جائے مگر آج تک کوئی شنوائی نہیں ہوئی ،TMAکا نا اہل عملہ تربیت نہ ہونے کی وجہ سے بے بس نظر آتا ہے ،بلدیہ لالہ موسیٰ کے آفسیران اور عملہ کی غفلت و لا پرواہی سے پانی کی نکاسی کا مسئلہ اس حد تک بڑح چکا ہے کہ آئے روز گلیوں میں پانی بھر جاتا ہے،اہل علاقہ نے خادم اعلیٰ پنجاب میاں شہباز شریف سے مطالبہ کیا ہے کہ لالہ موسیٰ میں ناقص سیوریج سسٹم کی تحقیقات کروائی جائیں اور ذمہ داروں کو سزائیں دی جائیں اور محلہ لال مسجد سمیت لالہ موسیٰ کی گلیوں اور نالیوں کا مکمل سروے کروا کر سیوریج سسٹم کو درست کیا جائے اور نا اہل کام چور عملہ سے بھی عوام کی جان چھڑائی جائے۔