اسلام آباد: (اصغر علی مبارک) قومی اسمبلی کی حکومتی یقین دہانیوں کی ذیلی کمیٹی نے قرار دیا ہے کہ وفاقی بجٹ کے دوران کل وقتی پارلیمنٹ ہاؤس میں ڈیوٹی کرنے والے ہی اعزازیہ کے اہل ہیں
اسمبلی حدود کی بجائے دفاتر میں بیٹھ کر اعزازیہ لینے والوں سے رقوم کی ریکوری کی جائے ذیلی کمیٹی کا اجلاس ڈاکٹر فوزیہ حمید کی صدارت میں اسلام آباد میں ہوا اجلاس کو وزارت داخلہ کے حکام نے رپورٹ پیش کی کہ وفاقی بجٹ کے دوران فرائض ادا کرنے والے پولیس ،سپیشل برانچ اور پولیس کے دوسرے اداروں کے ملازمین کو سات اعزازیے جون کی کی تنخواہ کے ساتھ ادا کردئے جائیں گے وزارت کمیونیکشن کے حکام نے بتا یا کہ دریائے راوی پر سید والا کے مقام پر پل کی تعمیر سے متاثرہ لوگوں کو معاوضے کی رقم ڈی سی او ننکانہ اور اوکاڑہ کو ادا کر دی گئی ہے جو جلد ادا کر دی جائیگی اجلاس کو وزارت خزانہ کے حکام نے بتایا کہ کنٹرولر جنرل آفس کے کسی ملازم کا اعزازیہ نہیں بنتا تھاا لیکن سابق اے جی پی آرسمیت کنٹرولر جنرل آفس کے ملازمین کو اعزازیہ دے دیا گیا ہے ذیلی کمیٹی نے استفسار کیا کہ بجٹ سیشن میں پارلیمنٹ ہاؤس نہ آنے والے کیسے اعزازیہ لے سکتے ہیں اجلاس نے ہدائت کی کہ تمام ادارے ادا کئے گئے اعزازیوں پر غور کرہں۔
