سپریم کورٹ نے 11 اگست تک کے لیے بینچ تشکیل دے دیئے جس میں پاناما کیس کا بینچ شامل نہیں۔

The Supreme Court issued a router till August 11, the Panama case judges are not included in any bench

سپریم کورٹ کے تین رکنی پاناما عملدرآمد بینچ نے کیس کی سماعت کی جس میں جسٹس اعجاز افضل خان بینچ کے سربراہ ہیں جب کہ جسٹس اعجاز الاحسن اور جسٹس عظمت سعید بینچ کے رکن ہیں۔خیال رہے کہ عدالتی بینچ نے 10 جولائی کو جے آئی ٹی کی جانب سے رپورٹ جمع کرائے جانے کےبعد 17 جولائی سے مسلسل 5 سماعتوں کے بعد 21 جولائی کو کیس کا فیصلہ محفوظ کیا تھا۔ آج سپریم کورٹ کی جانب سے 11 اگست تک کا روسٹر جاری کردیا گیا ہے جس کے مطابق پاناما بینچ کے رکن جسٹس اعجاز الاحسن کا نام 11 اگست تک کسی بینچ میں نہیں ہے اور پاناما بینچ کے 2 رکن ججز 11 اگست تک اسلام آباد میں دستیاب نہیں ہوں گے۔ روسٹر کے مطابق جسٹس اعجاز الاحسن آئندہ ہفتے سے چھٹیوں پر چلے جائیں گے اور جسٹس عظمت سعید شیخ سپریم کورٹ لاہور رجسٹری میں کیس سنیں گے۔ روسٹر کے مطابق سپریم کورٹ میں آئندہ ہفتے 3 بینچ مقدمات کی سماعت کریں گے اور اگست کے دوسرے ہفتے میں 2 بینچ مختلف مقدمات سنیں گے۔