The talented studen

ننکانہ صاحب (محمد قمر عباس)مقامی سکول ٹیچر اشفاق حسین غوری کی صاحبزادی اور دار ارقم سکول بچیکی کی ہونہار طالبہ ماہین اشفاق غوری نے کلاس پنجم امتحانات میں مرکز بچیکی ،سید والہ اور بڑا گھر میں 448 نمبر حاصل کر کے دوسری پوزیشن حاصل کی ،طالبہ کے اعزاز میں سکول میں ایک پروقار تقریب کا اہتمام کیا گیا جس میں سکول اید منسٹریٹر راشد محمود اعلیٰ ،طالبہ کے والد اشفاق حسین غوری ،سیاسی و سماجی رہنماؤں اور اساتذہ کی کثیر تعداد نے شرکت کی ،اس موقع پر گفتگو کرتے ہوئے مقررین نے کہا کہ ہونہار طالبہ کا 448 حاصل کر کے علاقہ بھر میں دوسری پوزیشن حاصل کر نا نہ صرف تعلیمی ادارے اور والدین بلکہ علاقہ کے لئے بھی ایک اعزاز کی بات ہے ،جس پر ادارہ اور طالبہ کے والدین مبارکباد کے مستحق ہیں انہوں نے مزیدکہا کہ زندگی کے ہر میدان میں کامیابی کے لئے جہد مسلسل ضروری ہے اور اس ہونہار طالبہ نے شاندار کامیابی حاصل کر کے اس بات کو سچ ثابت کر دیا ہے ،اس موقع پر طالبہ کو انعامات سے بھی نوازا گیا ۔