شہر کو پانی فراہم کرنے والے دھابیجی پمپنگ اسٹیشن پر بجلی کے تیسرے بریک ڈاؤن کےباعث 72انچ قطر کی پائپ لائن 2جگہ سے پھٹ گئی ،جس کےباعث شہر کو 150ملین گیلن پانی فراہم نہیں کیا جاسکا۔

The third breakdown on the Dhabiji, the 72-inch diameter line broke

ترجمان واٹر بورڈ کے مطابق کے الیکٹرک کی جانب سے دھابیجی پمپنگ اسٹیشن پر اچانک بریک ڈاؤن کی وجہ سے کراچی کو پانی فراہم کرنے والی 72 انچ قطر کی مین لائن دو جگہ سے پھٹ گئی اور دھابیجی پمپنگ اسٹیشن کی بجلی منقطع ہونے اور لائن پھٹنے سے قریبی علاقہ زیرآب آگیا۔ ترجمان واٹر بورڈ کے مطابق ایم ڈی واٹر بورڈ کی ہدایت پر عملہ اور مشینری روانہ کردی گئی ہے اورلائن کی مرمت جلد شروع کردی جائے گی۔ گزشتہ 16 گھنٹوں کےدوران تین بار اچانک بریک ڈاؤن کیا گیا ہے اور لائن پھٹنے سے کراچی کو 150 ملین گیلن پانی فراہم نہیں کیا جاسکا۔