The third day

بچے عیدی خرچ کرنے کیلئے والدین کے ساتھ چڑیا گھر پہنچ گئے ، عید کے آخری روز کئی افراد نے سینما جا کر فلم کا لطف اٹھایا
لاہور (یس اُردو) عید کے تیسرے دن بھی لوگوں نے تفریح گاہوں کا رخ کرلیا ، بچے بھی عیدی خرچ کرنے کیلئے ممی پاپا کے ساتھ چڑیا گھر پہنچ گئے ۔ دوستوں نے بھی پکچر کا پروگرام بنایا اور خوب لطف اٹھایا ۔ جس نے عید کے پہلے اور دوسرے دن انجوائے نہیں کیا وہ بھی سیر سپاٹے پر نکل پڑا ۔ عید کے تیسرا دن بھی شہری خوب سیر سپاٹے کر رہے ہیں کیونکہ آج عید کا آخری دن جو ہے ، جس نے پارٹی نہیں کی وہ بھی بھرپور پارٹی کر رہا ہے ۔ عید کے آخری دن کوئی پارکوں میں انجوائے کر رہا ہے تو کوئی رشتے داروں کے گھر دعوتیں اُڑانے میں مصروف ہے ۔ گھروں میں مہمانوں کی بھی لذیذ کھانوں سے تواضع ہو رہی ہے ۔ ہوٹلوں پر بھی کھابے کے شوقین افراد کا رش ہے ۔ بچے بھی عیدی خرچ کرنے کیلئے ممی پاپا کے ساتھ چڑیا گھر پہنچ گئے اور خوب مزے کر رہے ہیں ۔ دوستوں نے بھی سیر سپاٹے کے پلان بنائے ہیں ، کوئی سینما گھروں میں فلم کا مزا لے رہا ہے تو کوئی پکنک پوائنٹس پر پکنک منا رہا ہے ۔ آج کا دن بھی بھرپور موج مستی کا دن ہے جس نے انجوائے نہیں کیا وہ بھی سیر سپاٹے پر نکل پڑا ۔