لائن آف کنٹرول پر بھارتی فوج کی بلا اشتعال فائرنگ سے پاک فوج کے 4 جوان شہید ہوگئے۔ پاک فوج کی بھرپور جوابی کارروائی میں 3بھارتی فوجی مارے گئے۔
پاک فوج کے شعبہ تعلقات عامہ (آئی ایس پی آر)کے مطابق بھارتی فورسز کی جانب سے جنڈروٹ، کوٹلی سیکٹرز پر اس وقت بلا اشتعال فائرنگ کی گئی جب پاک فوج کے جوان مواصلاتی نظام کی مرمت کے کام میں مصروف تھے۔ آئی ایس پی آر کے مطابق پاک فوج کی بھرپور جوابی کارروائی میں 3 بھارتی فوجی مارے گئےاور دشمن کی توپیں خاموش ہوگئیں۔
