The yoga exercises amateur elephant

لاہور:  صحت مند رہنے کیلئے ورزش کرنا نہایت ضروری ہے ۔ خصوصاً اگر یوگا کی بات کی جائے تو یہ نہ صرف جسم کو فٹ رکھتا ہے بلکہ بے شمار جسمانی و دماغی بیماریوں سے بھی بچاتا ہے ۔ اکثر طبی ماہرین مختلف امراض سے نجات کیلئے یوگا کے مختلف آسن تجویز کرتے ہیں اور شاید یہ ہاتھی بھی یوگا کی اس افادیت سے واقف ہے یہی وجہ ہے کہ یہ روز صبح اٹھ کر یوگا کی مشقیں کر تا ہے۔
زمبابوے کے ایک سفاری پارک میں یہ ہاتھی اکثر اوقات یوگا کی مشقوں جیسی حرکات کرتا ہوا پایا جاتا ہے ۔یہ جسمانی حرکات عموماً دیگر ہاتھی نہیں کرتے لہٰذا جب بھی یہ ہاتھی ’’یوگا‘‘ کرتا ہے تو سب کی توجہ کا مرکز بن جاتا ہے ۔یہ تو معلوم نہ ہوسکا کہ آیا اس ہاتھی کو اس کے نگرانوں نے یہ مشقیں سکھائیں یا کسی کو دیکھ کر یہ خود ہی ایسی مشقیں کرتا ہے تاہم اس ہاتھی کا یوگا ان انسانوں کیلئے ایک سبق ہے جو اپنی کاہلی کے سبب ورزش نہیں کرتے نتیجتاً خود بھی ہاتھی جیسے دکھنے لگتے ہیں۔