فیصل آباد/گوجرانوالہ/ملتان/بہاولپور:  انٹرمیڈیٹ کے نتائج پر غلط چیکنگ پر طلباء سڑکوں پر نکل آئے۔ فیصل آباد میں مختلف کالجز کے طلباء ضلع کونسل چوک میں جمع ہو گئے۔ ہاتھوں میں بینرز اور پلے کارڈز اٹھائے طلباء نے کچہری بازار تک ریلی بھی نکالی۔

گوجرانوالہ بورڈ کے نتائج پر بھی طلباء مشتعل ہو گئے اور انہوں نے بورڈ کے دفتر کے باہر شدید احتجاج کیا اور انتظامیہ کے خلاف شدید نعرے بازی کی۔ ملتان میں طلباء کی کثیر تعداد بینرز اور پلے کارڈز اٹھائے احتجاج کیلئے نکل آئی۔

بہاولپور میں انٹرمیڈیٹ کے امتحانی نتائج نے طلباء و طالبات کو بے چینی سے دو چار کر دیا۔ مشتعل طلباء نے بورڈ کے خلاف شدید احتجاج کیا۔ بہاولپور میں طلباء نے ڈی سی او چوک میں دھرنا بھی دیا۔ ان کا مطالبہ تھا کہ پرچوں کی دوبارہ چیکنگ کی جائے۔