Three-D animated film

نیویارک……..موسیقی کے شوقین ننھے اینیمیٹیڈ کرداروں پر مبنی نئی ہالی ووڈ تھری ڈی میوزیکل کامیڈی فلم”ٹرولز “کا پہلا ٹیزر ٹریلر جاری کر دیا گیا ہے۔
ہدایتکارمائیک مشیل اور والٹ ڈورہم کی مشترکہ ڈائریکشن میں بننے والی اس فلم کی کہانی ڈریم ورک اینیمیشن کے مشہور کردار ٹرول ڈول کے ایسے انوکھے اور دلچسپ راک اسٹارز کی محنت کی عکاسی کر رہی ہے جواپنے منفرد انداز سے دیکھنے والوں کے ہر دلعزیز بن جاتے ہیں۔120ملین ڈالر لاگت سے مکمل ہونیوالی اس فلم کو جینا شے نے پروڈیوس کیا ہے جبکہ اس فلم کے مختلف اینیمیٹیڈ کرداروں کیلئے جسٹن ٹِمبر لیک ، اینا کینڈرک، گیون اسٹیفانی، جیمز کوردن ، کنال نیئر اور رون فنچزنے اپنی آواز میں ڈائیلاگ اور گانے ریکارڈ کروائے ہیں۔ڈریم ورکس اینیمیشن کی کامیڈی اور ایڈونچر سے بھرپور یہ کمپیوٹر اینیمیٹڈفینٹسی فلم ٹوینٹیتھ سینچری فاکس کے تحت4نومبرکو سینما گھروں کی زینت بنائی جائیگی۔