سابق وزیر اعظم نواز شریف کے خلاف 3 نیب ریفرنسز کی سماعت آج ہو گی۔ احتساب عدالت نے استغاثہ کے 6گواہوں کو بیان ریکارڈ کرانے کے لیے طلب کررکھا ہے۔نواز شریف 12ویں مرتبہ احتساب عدالت میں پیش ہوں گے۔نواز شریف کے خلاف 3 نیب ریفرنسز کی سماعت احتساب عدالت کے جج محمد بشیر کریں گے۔ اب تک فلیگ شپ انوسٹمنٹ ریفرنس کی 19 ،ایون فیلڈ پراپرٹیز کی 18 جبکہ العزیزیہ اسٹیل ملز ریفرنس کی 22 سماعتیں ہوچکی ہیں۔نواز شریف نااہل ہوکر پیشیوں کی ففٹی کرنے کے قریب پہنچنے والے ہیں جو کہ ایک ریکارڈ ہے
سابق وزیر اعظم 12 ویں ، مریم نواز 14ویں جبکہ کیپٹن ریٹائرڈ صفدر 16ویں مرتبہ احتساب عدالت کے جج محمد بشیر کے روبرو پیش ہوں گے۔احتساب عدالت نے استغاثہ کے مزید 6گواہوں کو بیان ریکارڈ کرانے کے لیے طلب کررکھا ہے۔ تینوں ملزمان کی موجودگی میں گواہوں کے بیانات ریکارڈ کیے جائیں گے ، وکیل صفائی خواجہ حارث بیانات کی روشنی میں گواہوں پر جرح کریں گے۔تینوں نیب ریفرنسز میں ان تک استغاثہ کے 12گواہان سدرہ منصور ،جہانگیر احمد،محمد رشید ، مظہر بنگش ،شہباز حیدر، ملک طیب، مختار احمد ، عمردراز، یاسر شبیر ،شکیل ناگرا، زاور منظور اور تسلیم خان بیانات ریکارڈ کرا چکے ہیں۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
