TMA end to the illegal

سرائے عالمگیر(نمائندہ خصوصی) ٹی ایم اے نے سرائے عالمگیر شہر سے ناجائز تجاوزات کا خاتمہ کر دیا ،جی ٹی روڈ کے ساتھ بنے سروس روڈ اور فٹ پاتھ واگزار ہونے سے شہریوں کو مشکلات سے نجات مل گئی،آپریشن کلین اپ کرنے پر شہریوں کا ٹی ایم اے کو خراج تحسین ۔تفصیلات کے مطابق منگل کے روز ٹی اے او سرائے عالمگیر نے متعلقہ عملہ اور پولیس کی جمعیت کے ہمراہ شہر بھر سے ناجائز تجاوزات کے خاتمہ آپریشن کیا جس کے دوران شہر کے مین بازار اور جی ٹی روڈ کے دونوں کناروں پر واقع سروس روڈز اور فٹ پاتھوں پر لگی ہوئی تمام ترریڑھیاں ،چھابڑیاں اور کھوکھے و جنگلے اٹھوا دےئے گئے ،ناجائز تجاوزات ہٹوانے کے بعد شہر اور جی ٹی روڈ کنارے نہایت کشادہ ہو گئے ،خریداروں کو اپنی موٹرسائیکلیں اور چھوٹی گاڑیاں پارک کر نے کی سہولت میسر آ گئی اور پیدل چلنے والوں کو بھی فٹ پاتھوں پر بنی تجاوزات کے خاتمہ کے بعد اذیت یس نجات مل گئی ۔شہریوں نے ٹی ایم اے کو شہر سے ناجائز تجاوزات کا خاتمہ کرنے پر زبردست خراج تحسین پیش کرتے ہوئے اس توقع کا اظہار کیا ہے کہ ٹی ایم او اب کسی دباؤ میں آئیں اور کسی کو دوبارہ ناجائز قبضہ جمانے کی ہر گز اجازت نہ دی جائے۔