to women: Rana

پنجاب کے وزیر قانون رانا ثناء اللہ نے خواتین کے تحفظ کا بل پاس ہونے کے پہلے ہی روز ہتھیار پھینک دئیے، کہتے ہیں وہ گھر میں انتہائی صلح پسندی سے رہتے ہیں، اب وہ مرد خیر منائیں جو خواتین پر تشدد کرتے ہیں، کہتے ہیں یہ بل گھر کے نظام کو مستحکم کرے گا۔
لاہور: (یس اُردو) سیاسی مخالفین کو جرات سے للکارنے اور بڑے بڑے سیاسی پھڈے لینے والے رانا ثناء اللہ خواتین کے تحفظ کا بل پاس ہونے کے اگلے روز ہی قانون کے تقاضوں کی اطاعت کرتے نظر آئے اور اکٹرنے یا آئیں بائیں شائیں کرنے کے بجائے حقیقت کا اعتراف کرتے ہوئے یہ انکشاف کر دیا کہ وہ تو گھر میں اچھے شوہر بن کر رہتے ہیں۔خواتین کے تحفظ کا بل جس کے تحت اب تشدد کا شکار خاتون جہاں مرد کو دو دن کے لئے گھر سے نکلوا سکے گی، وہاں اس کے معاشی، جذباتی اور نفسیاتی استحصال پر بھی مرد کو سزا کا سامنا کرنا ہو گا، خواتین کو سنگین جرائم کا نشانہ بنانے پر جی پی ایس ٹریکر لگے گا ان نکات کو سامنے رکھتے ہوئے رانا ثناء اللہ نے مردوں کو دلچسپ مشورہ بھی دیدیا۔ کہتے ہیں، ایسے مرد جو بیوی بچوں کو گھر سے نکالتے ہیں اب ان کو خود گھر سے نکلنا ہو گا۔خواتین کے تحفظ کا بل پاس ہونے کے بعد رانا ثناء اللہ ہو یا دوسرے مرد ارکان اسمبلی سب محتاط نظر آ رہے ہیں۔