کوئٹہ: جی پی او چوک پر رکن صوبائی اسمبلی مجید خان اچکزئی کی گاڑی کی ٹکر سے ٹریفک اہلکار جاں بحق ہوگیا۔

Traffic officials were killed from the car conflict of MPA in Quetta

کوئٹہ کے جی پی او چوک پر ٹریفک سارجنٹ سب انسپکٹر حاجی عطااللہ اپنے فرائض انجام دے رہا تھا کہ پیچھے سے آنے والی گاڑی نے اسے کچل ڈالا۔ حاجی عطااللہ کو اسپتال لے جایا گیا لیکن وہ دوران علاج دم توڑ گیا۔ حادثے کی سی سی ٹی وی فوٹیج کےمطابق گاڑی پشتونخوا میپ کے رکن بلوچستان اسمبلی مجید خان اچکزئی کی ہے جو کہ پشتونخوا ملی عوامی پارٹی کے سربراہ محمود خان اچکزئی کےقریبی عزیز بھی ہیں۔ پولیس نے ابتدا میں گاڑی کو قبضے میں لینے کا دعویٰ کیا تھا تاہم اب اس معاملے کو دبانے اور ملزم کو بچانے کے لیے مقدمہ نامعلوم افراد کے خلاف درج کرلیا گیا ہے۔ دوسری جانب ایکسپریس نیوز سے بات کرتے ہوئے مجید اچکزئی نے کہا کہ واقعے کے وقت گاڑی میرا ڈرائیور چلا رہا تھا لیکن میں یہ ہی کہوں گا کہ میں چلارہاتھا اورگاڑی بھی میری ہے۔