Trump boost trade with Pakistan against terrorism

پاکستان سے دہشت گردی کا خاتمہ کرنے کے لئے ڈونلڈ ٹرمپ پاکستان سے تجارت بڑھائے، دہشت گردی کے خلاف جنگ بے روزگاری کے خاتمے کے بغیر نہیں جیتی جاسکتی ہے۔

کراچی چیمبر کے سابق صدر زبیر موتی والا نے یس اردو نیوز سے بات کرتے ہوئے کہا کہ امریکا میں ہزاروں اقسام کی اشیاءکسٹم کے خصوصی ریٹس پر منگوائی جاتی ہیں۔ ان اشیاء میں پاکستان سے خریدی جانے والی ہوم ٹیکسٹائل اور میڈاپس اور دیگر ٹیکسٹائل مصنوعات شامل نہیں ہے۔

ڈونلڈ ٹرمپ اس طرف توجہ دے تو پاکستانی برآمدات بڑھیں گی جس سے ملک میں روزگار کے مواقع پیدا ہونگے ، جو دہشت گردی کے خلاف جنگ میں بہترین حکمت عملی ہوگی۔

زبیر موتی والا نے کہا کہ وہ امید کرتے ہیں کہ ڈونلڈ ٹرمپ کی اس جانب نظر ہوگی اور وہ دہشت گردی کی جنگ میں پاکستان کی اپنی پالیسیوں سے مدد کریں گے۔