two matches today

شارجہ ……پاکستان سپر لیگ میں آج دو میچز کھیلے جائیں گےجس میں کراچی کنگز کوئٹہ گلیڈی ایئٹر کے مد مقابل ہوگی تو دوسرے میچ میں لاہور قلندر پشاور زلمی کا سامنا کرےگی۔
پاکستان سپر لیگ میں آج کراچی کنگز کوئٹہ گلیڈی ایئٹر کا مقابلہ کرے گی ۔کوئٹہ نے پانچ میچز میں آٹھ پوائنٹس حاصل کئے ہیں ،جبکہ کراچی کی ٹیم کے ایونٹ میں دو کامیابیوں کے ساتھ چار پوائنٹس ہیں ۔یہ میچ پاکستانی وقت کے مطابق شام ساڑھے چار بجے کھیلا جائےگادن کے دوسرے میچ میں لاہور قلندر اہم ترین میچ میں پشاور زلمی کے مدمقابل ہوگی۔لاہور کو ایونٹ میں رہنے کے لئے یہ میچ جیتنا لازمی ہوگا۔قلندر کے کرس گیل نے فارم حاصل کرلی ہے۔ڈیلپورٹ اور عمر اکمل بھی اچھی فارم میں ہیں لیکن انہیں سامنا ہے لیگ کے سب سے مظبوط بولنگ اٹیک کا۔پشاور زلمی اور لاہور قلندر کا میچ رات نو بجے جیو سوپر سے براہ راست نشر کیا جائےگا۔