Raja Zubair Iqbal Kayani

لیوٹن (تیمور لون سے) پاکستان مسلم لیگ ن آزاد کشمیر برطانیہ کے صدر راجا زبیر اقبال کیانی نے کہا کہ پاکستان مسلم لیگ ن کی اعلی قیادت کی جانب سے پاکستان مسلم لیگ ن برطانیہ کے تمام کارکنان کے لئے بھارتی وزیر اعظم نریندرا مودی کی برطانیہ آمد پر مظاہرہ میں بھرپور شرکت کرنے کا فیصلہ کیا گیا ہے تا کہ بھارتی مسلمانوں اور کشمیریوں سے اظہار یکجہتی کے ساتھ ساتھ بھارتی وزیر اعظم کے بھیس میں چھپے دہشتگرد کو بے نقاب کیا جا سکے۔

زبیر اقبال کیانی کا کہنا تھا کہ پچھلی بار کی طرح اس بار بھی ہزاوروں کی تعداد میں کشمیر ی احتجاجی مظاہرہ میں شرکت کر کے دنیا کے سامنے نریندر ا مودی اور نام نہاد سب سے بڑے جمہوری ملک کا لبادہ اتار کر دنیا کو یہ باور کرائیں گے کہ اس نام نہاد جمہوری ملک کے وزیر اعظم کے ہاتھ ہزاروں مسلمانوں کے خون سے رنگے ہوئے ہیں بھارت میں مسلم کش فسادات کو بڑھاوا دے کر انتہا پسند ہندؤؤں کو قتل عام کے لئے کھلی چھٹی دینا بھارت کی اپنی عدالتوں میں ثابت ہو چکا ہے اور کشمیر میں جاری فوجی دہشتگردی سے پوری دنیا واقف ہے لیکن ہم نریندرا مودی کو بتا دینا چاہتے ہیں کہ ہم اس شدت پسند ہندو وزیر اعظم کو اسکے جارحانہ عزئم میں کبھی کامیاب نہیں ہونے دیں گے ۔ کشمیری اپنے شہداء کے خون سے غداری ہرگز نہیں کریں گے۔

زبیر اقبال کیانی نے برطانیہ کے تمام شہروں میں پاکستان مسلم لیگ ن کے کارکنان کو خصوصی طور پر اس مظاہرہ میں اپنی شرکت کو یقینی بنانے کا عندیہ دیا ۔اور مظاہرہ کے منتظمین کو پاکستان مسلم لیگ ن آزاد کشمیر برطانیہ کی جانب سے اس مظاہرہ کو کامیاب بنانے اور اس میں بھرپور تعاون کی یقین دہانی کروائی۔

انہوں نے برطانیہ میں مقیم کشمیری کمیونٹی سے بھی بھر پور مطالبہ کیا کہ اس اینٹی مودی احتجاجی مظاہر میںشرکت کو یقینی بنا کر مظاہرہ کو کامیاب کرنے میں اپنا کردار ادا کریں اورشہداء کشمیر اور بھارتی مسلمان شہدا جن کو فسادات کے بھینٹ چڑھا دیا گیا کے ساتھ یکجہتی کا ثبوت دیں تا کہ بھارتی وزیر اعظم کا ماضی حال اور مستقبل کے عزائم کو اقوام عالم کے سامنے رکھا جا سکے۔