Upper Jhelum
سرائے عالمگیر (نمائندہ خصوصی )موضع بھلوال غربی کے قریب نہر اپر جہلم پر مال مویشیوں کو پانی پلانے کے لئے پختہ گھاٹ نہ ہونے کے باعث مکینوں کو شدید مشکلات کا سامنا،محکمہ انہار کے حکام بالا سے پختہ گھاٹ کی تعمیر کا مطالبہ ۔تفصیلات کے مطابق سرائے عالمگیر کے نواحی گاؤں بھلوال غربی کے قریب نہر اپر جہلم پر مال مویشیوں کو پانی پلانے کے لئے کوئی پختہ گھاٹ نہیں ہے جس کہ وجہ سے اہل علاقہ نہایت مشکلات کا شکار ہیں ،مال مویشیوں کو پانی پلانا نہایت دشوار ہے اور پختہ گھاٹ کی عدم دستیابی کی وجہ سے کئی بار جانور گر کرزخمی اور ہلاک بھی ہو چکے ہیں جس سے غریب کسانوں کو لاکھوں روپے کا مالی نقصان اٹھانا پڑ ا ہے ۔اہل علاقہ نے متعلقہ حکام سے پرمطالبہ کیا ہے کہ نہر اپر جہلم پر فوری طور پر پختہ گھاٹ بنایا جائے تا کہ لوگوں کو جانوروں کو پانی پلانے میں آسانی ہو ۔
