امریکی صدر ٹرمپ او ر روسی صدر پیوٹن میں ٹیلی فونک رابطہ ہوا ہے جس میں شام میں تشدد کے خاتمے اور داعش کے خلاف مل کر لائحہ عمل بنانے پر اتفاق کیا گیا۔
US and Russian presidents telephonic contact
وائٹ ہاؤس سے جاری بیان کے مطابق صدر ڈونلڈ ٹرمپ نے اپنے روسی ہم منصب ولاد میر پیوٹن سے ٹیلی فون پر رابطہ کیا، دونوں رہنمائوں نے شام میں جاری تشدد کے خاتمے کے لیے مشترکہ طور پر کام کرنے پر اتفاق کیا۔
اس موقع پر دونوں رہنمائوں نے مشرق وسطیٰ میں شدت پسند تنظیم داعش اور دہشت گردی کے خاتمے کے لیے مل کر لائحہ عمل بنانے پر اتفاق کیا اور اس بات پر بھی زور دیا کہ شام میں جاری تشدد کے خاتمے کے لیے تمام فریقین کو مل کر کام کرنا ہوگا۔ اس کے لیے دونوں رہنمائوں نے مذاکرات کی اہمیت سے بھی اتفاق کیا۔ وائٹ ہاؤس کے مطابق دونوں رہنمائوں نے شمالی کوریا کے بڑھتے ہوئے جارحانہ رویے پر بھی بات چیت کی۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
