کوپن ہیگن: ہیلووین کا بخار سر چڑھنے لگا ، امریکا اور یورپ میں تہوار منانے کی تیاریاں زور و شور سے جاری ہیں ، یہ ہے ڈنمارک کے دارالحکومت کوپن ہیگن میں ٹیوولی پارک جہاں ہیلووین میلہ سج گیا ہے ۔ بھوت ، مکڑیاں اور نہ جانے کیا کیا ، پارک انتظامیہ نے اسے سجانے کے لئے 20 ہزار حلوہ کدو اور ڈھائی ہزار خشک گھاس کے گٹھے منگوائے ہیں اور اس پارک میں آنے والے بچے خوب ہلہ گلہ کر رہے ہیں ۔ ادھر امریکی ریاست فلوریڈا کے شہر کی ویسٹ میں ہیلووین کے موقع پر پالتو جانوروں کا فینسی ڈریس شو منعقد کیا گیا ۔ نہ صرف جانور بلکہ ان کے مالکوں نے بھی مختلف سوانگ بھرے ۔