Sharjeel Memon

کراچی (جیوڈیسک) سندھ کے وزیر بلدیات و اطلاعات شرجیل میمن نے کہا ہے کہ عزیر بلوچ نے پیپلز پارٹی پر جو الزامات لگائے ہیں وہ غلط ہیں، عذیر بلوچ کو پاکستان لا کر مقدمہ چلایا جائے۔

کراچی کےعلاقے بہادر آباد میں شجر کاری اور صفائی مہم کے موقع پر وزیر بلدیات شرجیل انعام میمن نے میڈیا سے بات چیت کرتے ہوئے انکا کہنا تھا کہ پیپلز پارٹی کا جرائم پیشہ افراد سے کوئی تعلق نہیں ہے ۔ عزیر بلوچ نے پیپلز پارٹی پر جو الزامات لگائے ہیں وہ غلط ہیں ، عذیر بلوچ کو پاکستان لا کر مقدمہ چلایا جائے۔

بلاول ہائوس نو گو ایریا نہیں ہے ، بلاول ہائوس میں پارٹی قیادت کی جان کو خطرہ ہے اسلئے سیکورٹی کے لئے بیرئیر لگائے گئے ہیں. ان کا مزید کہنا تھا کہ بلدیاتی اداروں میں گھوسٹ ملازمین ہیں ۔ کراچی واٹر بورڈ میں 400 اور کے ایم سی میں 300 گھوسٹ ملازمین کا پتہ چلا ہے۔ بنک اکائونٹس کی تصدیق کے بعد ہزاروں ملازمین کا پتہ چلے گا۔