WAPDA bcyky

ننکانہ صاحب(محمد قمر عباس)واپڈ ا کی خصوصی ٹیم کی بچیکی اور گردونواح میں کاروائی 50 با اثر بجلی چوروں کے خلاف مقدمات درج کروادیئے ،لاکھوں روپے کے ڈی ٹیکشن بل بھی ڈال دیئے ۔تفصیلات کے مطابق ایکسئین واپڈا شہزاد احمد چٹھہ اور ایس ڈی او واپڈا سب ڈویژن بچیکی چوہدری جا وید اقبال کی خصوصی ہدایت پر واپڈا ٹیم نے بچیکی ،کلی موڑ ،کوٹ نامدار ،برخوردار ،موڑا اور دیگر دیہات میں کاروائی کرتے ہوئے 50 با اثر افراد کو مختلف طریقوں سے بجلی چوری کرتے ہوئے رنگے ہاتھوں پکڑ لیا اور ان کے خلاف تھانہ بڑا گھر اور تھانہ مانگٹانوالہ میں مقدمات درج کروا دیئے ،جن افراد کے خلاف مقدمات درج کروا ئے گئے ان میں بشارت ،سعید احمد ،ناصر ،توقیر ،سلیم ،محمد اشفاق اور دیگر شامل ہیں واپڈا ٹیم میں لائن سپر ٹنڈنٹ غلام فرید ،میٹر انسپکٹر رائے امداد حسین اور دیگر اہلکار شامل تھے ،ایس ڈی او چوہدری جا وید اقبال نے بتایا کہ بجلی چور چاہے جتنا بھی با اثر کیوں نہ ہو اس کے خلاف کاروائی کی جائیگی ۔بجلی چوری کرنے والا قومی مجرم ہے جو کسی بھی معافی کا حق دار نہیں ہے